ધનતેરસ : શુભ મુહુર્તમાં આ મંત્રો સાથે કરો પૂજા, ધનના દેવ કુબેર થશે પ્રસન્ન..!!

ધનતેરસ : શુભ મુહુર્તમાં આ મંત્રો સાથે કરો પૂજા, ધનના દેવ કુબેર થશે પ્રસન્ન..!!

કુબેર ધનના અધિપતિ એટલે કે ધનના રાજા છે. પૃથ્વીલોકની સમગ્ર ધન સંપત્તિના એકમાત્ર તેમને જ સ્વામી બનાવવામાં આવ્યા છે. કુબેર ભગવાન શિવના પરમપ્રિય સેવક પણ છે. ધનના અધિપતિ હોવાના કારણે મંત્ર સાધના દ્વારા પ્રસન્ન કરવાના વિધાન જણાવવામાં આવ્યા છે.

કુબેર મંત્રને દક્ષિણની તરફ મુખ કરીને જ સિદ્ધ કરવામાં આવે છે.

જો તમે ઈચ્છો છો કે માં લક્ષ્મી તમારા ઘરમાં વર્ષભર બિરાજમાન રહે, તો આજના દિવસે ભગવાન ધનવંતરીની પૂજા કરવી જરૂરી છે, આ દિવસે આ મંત્રની સાથે ભગવાનની પૂજા કરવાથી માનવામાં આવે છે કે દેવ પ્રસન્ન થાય છે અને ધનની વર્ષા થાય છે.

કુબેર મંત્ર :

ૐ શ્રીં ૐ હ્રીં શ્રીં, ૐ હ્રીં શ્રી ક્લીં વિત્તેશ્વરાય: નમઃ

ૐ હ્મં હ્મીં હ્મીં મહાલક્ષ્મી ધનદા લક્ષ્મી કુબેરાય મમ ગૃહ: સ્થિરો હ્મી ૐ નમ:

માતા લક્ષ્મીનો મંત્ર

ૐ શ્રીં હ્રીં શ્રીં કમલે કમલાલયે પ્રસીદ પ્રસીદ્
શ્રીં હ્રીં શ્રીં મહાલક્ષ્મે નમઃ

ધનતેરસના શુભ મુહુર્ત

ધનતેરસના દિવસે ધનના દેવતા કુબેરની પૂજા અર્ચનાને વિશેષ મહત્વ આપવામાં આવે છે. આ વખતે પૂજાનું મુહુર્ત વૃશ લગનમાં સાંજે ૦૬:૫૭ થી રાત્રે 8:૪૯ કલાક સુધી છે.

ધનતેરસની પૂજા વિધી

સવારે ઉઠીને ઘરની સાફ સફાઈ કરીને, સ્નાન કરીને પવિત્ર થઈને પૂજાનો સંકલ્પ લેવો. સાંજના સમયે ભગવાન ધનવંતરીની પૂજા માટે તેમની તસવીર અથવા પ્રતિમાને સ્થાપવી. સાથે માં લક્ષ્મી અને ભગવાન ગણેશની પ્રતિમા સ્થાપવી.

બાદમાં જળ લઈને ત્રણવાર આચમન કરવું અને દરેક પ્રતિમાઓ પર પાણી છાંટવું. ભગવાનને તિલક કરવ અને વસ્ત્ર અર્પિત કરવા, ભગવાનના મંત્રોનો જાપ કરતાં તેમને પ્રણામ કરવા અને ભગવાનને પુષ્પ અર્પિત કરવા. સાથે જ ઘર માટે જે ચીજવસ્તુઓ ખરીદી છે તેની પણ પૂજા કરવી.

ત્યારબાદ ભગવાનને ભોગ અર્પિત કરવો અને ઘરની બહાર, દુકાન વગેરેમાં તેર દીવા પ્રજ્વલિત કરવા.

Leave a Reply

Your email address will not be published.